رواية لمن القرار بقلم سهام القلب

ست
وكمان بنتقمص لا ده الموضوع بقى خطېر
زمت شفتيها تشيح عيناها عنه حتى لا تفلت ضحكتها
أنا شكلي فعلا هتقمص منك
احكمت الغطاء عليها حتى تتمكن من النهوض. 
وشهقة قصيرة خرجت منها تنظر إليه بعدما ألقاها ثانية فوق الفراش.
طيب خليني أصالحك لتقولي عليا زوج مقصر
...
مدام ألفت قولي اللي عايزه تقوليه أنت عارفه مكانتك عندي
ابتسمت السيدة ألفت تربت فوق كفها 
معدنك يا فتون من المعادن الاصيله اللي مبتتغيرش
اطرقت فتون رأسها تخبرها بحزن 
عمري ما هنسي أصلي يا مدام ألفت ولا حتى الناس
الناس يا بنت مبيحبوش يشوفوا غير اللي هما عايزينه
علقت عيناها بعينين السيدة ألفت التي أسرعت في التبسم إليها بعد إلقاء عبارتها
أنا واخده دور المتفرج يا بنت بقالي مدة وشيفاكي رغم محاولاتك إلا إنك ضايعه.. وعذراكي يا بنت عيشتي حاجات كتير من عمرك في سن صغير.. سن غيرك من البنات كانوا لسا فيه بضفايرهم
دمعت عيناها رغما عنها تتذكر ضفائرها وفستانها الطفولي وقد خلعت عنها كل هذا لترتدي ثوب المرأة
أنا مبقتش عارفه نفسي يا مدام ألفت
طالعتها السيدة ألفت بتفهم تمد كفها تمسح فوق وجنتها بأمومه
عارفه يا بنت إنك تايهه والحياة الجديده كبيره عليك.. يمكن سليم بيه غلط لما سابك تندمجي في حاجات كتير فاكر إنك هتنضجي مرة واحده لكن برضوه يا بنت الغلط من عندك أنت
علقت عينين فتون بها فاستطردت السيدة ألفت
لازم تعرفي تخدي قراراتك كويس يا فتون اعملي فتون اللي أنت عايزاها مش الناس عايزاها.. سليم بيه راجل متفهم لو اتكلمتي معاه هتلاقيه في ضهرك واوعي تخليهم يأثروا عليك ويهزوا صورتك في نفسك حتى لو كانت الست عبلة والدتك
ارتسم الألم فوق ملامحها فكم تمنت أن تتلقى النصح من والدتها
ربنا جعل رزقك يا بنت في زوج حنين زي سليم بيه أمسك فيه جامد يا بنت ومتسمحيش لحد يقلل منك.. هو مختاركيش وحياتك القديمة مجهوله بالنسباله بالعكس هو كان عارف وعايش تفاصيل حياتك مع حسن
وعند ذكر اسم من كان سبب في حياتها البائسة وما نتج عنها من ضعف شخصية شحبت ملامحها
أنسي أي حاجة كانت في الماضي ملهاش لازمه يا بنت اتعلمي تكوني قوية ومتتنزليش عن حقك ما دام مبتجيش على حق حد
نهضت السيدة ألفت وفضلت أن تحتفظ بذلك الحديث الذي استمعته بالصدفة بين شهيرة وتلك المدعوه ب دينا
اغمضت فتون عيناها بأرهاق ثم التقطت هاتفها تنظر للوقت وعلى ما يبدو أن سليم مازال غاضب منها
هاتفته ولكن

________________________________________
هاتفه كان خارج نطاق الخدمة
ظلت جالسة فوق الفراش تمسح فوق وجهها تفكر في حديث جنات والسيدة ألفت
أنا فعلا محتاجه اتكلم مع سليم واول حاجه محتاجه اتكلم فيها معاه إني مش حبه أروح المؤسسة تاني
ورغم عراقة المكان والخبرة التي تحصدها منه إلا إنها تمتص منه طاقة سلبية مريرة كلما تسألت إحداهن كيف تمكنت من نيله وكانت مجرد مستخدمه لديه أو كلما قصوا حكاية عن أمرأة نالت رجلا من زوجته فينظرون إليها..
ولولا خوفهم من فقد وظيفتهم لكانوا قالوها صراحة دون تلميح فالكل يبلع حديثه الصريح خوفا ولكنها تري وتسمع الهمسات و اللمذات حتى السيد حازم صديق سليم مازال ينظر لها بنظرة غير راضية عن وجودها بينهم
إنها تهوى الطبخ وصنع الحلويات تهوى مهنتها القديمة التي استطاع سليم اجتذابها منها بعد حړق المطعم ثم اعاد المكان بعد ترميمه لسلطة السيدة سحر مديرة الجمعية
هاخد شهادة الحقوق بس همارس الحاجة اللي بحبها وبلاقي نفسي فيها وسليم اتجوزني وهو عارف أنا مين وحياتي كانت إزاي 
وهاهي تستعد لمعركة الإعداد لحفل غد حتى تبهر الضيوف وتسعد الصغيرة التي أصبحت تتجنبها
وجدت السيدة ألفت وإحدى الخادمات بالمطبخ.. ينظرون للأغراض التي احضرها السائق وقد اخبرهم إنه احضر كل شئ طلبته منه السيدة شهيرة
الټفت السيدة ألفت نحوها مبتسمه فهي تعلم بالمهمه التي ورطتها فيها شهيرة ولكنها فضلت الصمت
لو محتاجة حاجه يا بنت خلي ورده تعملهالك وتطلعها اوضتك
تقدمت منها فتون بحماس تنفي برأسها تشمر أكمام بلوزتها
أنا محتاجه المطبخ اعيش فيه لوحدي
ضحكت السيدة ألفت كما ضحكت الخادمة الأخرى
يعني نتطرد بالذوق من مكانا
لا طبعا يا مدام ألفت المكان مكانك
وبفضول تسألت وردة الخادمة
هي الأغراض اللي جابها عمي حسين السواق لحفلة بكرة يا مدام ألفت..
وسرعان ما كانت تشهق مصدومه
معقول إحنا اللي هنحضر الحلويات يعني هنضايف وكمان نحضر.. أه يا هدت الحيل ياريتني كنت روحت مع هدى
تعالت ضحكات فتون فشاركتها السيدة ألفت لا تصدق أن العاملات أصبحوا بهذا الكسل
روحي يا وردة خدي حاجتك وروحي مع عم حسين
بجد يا ست ألفت يعني مش هنجهز حاجة خلاص
ما انا قولت روحي يا وردة مع عمك حسين يا بنت
ابتسمت فتون وهي ترى الخادمة تغادر وقد ذكرتها بحالها
المطبخ يا بنت ليك لو احتاجتي حاجة مني تعالي صاحيني
اماءت لها فتون