رواية لمن القرار بقلم سهام القلب

تمت فيه حفل الزفاف.. طالع المكان بوجه مكفر ثم نظر خلفه للمعلم وجدي
هندخل هنا إزاي مش بعيد يطلبوا لينا البوليس
دفعه وجدي بقبضته يهتف إليه متوعدا
اختك أو الفلوس اللي لهفتها المعلم وجدي ميتنصبش عليه
الله يحرقك يا بسمة الكلب الاقيكي بس وهشرب من دمك
عاد وجدي يدفعه بقبضته الغليظة
أنت هتنوح زي النسوان ادخل خلينا نعرف اختك اختفت فين..
واردف بمقت ينظر إليه شزرا
يومين بتماطل معايا اتاريك مش عارف مكانها...
ثم بصق اسفله
أخص على الرجالة والرجولة
غلت الډماء في عروق فتحي فطالع المكان متمتما بوعيد
اعرف هي فين بس.. ومش هيطلع ليها صبح الڤاجرة
طب يلا يا سبع الرجال ادخل اتصرف مع الواقفين
شجعه وجدي ولكن فتحي خرج إليه خالي الوفاض مطرق الرأس.. رمقه وجدي بنظرات ساخرة ثم دفعه عن طريقه 
اتبعه فتحي الذي وقف مذهولا وهو يري الطريقة التي يتعامل بها وجدي وكأنه رجل ذو مكانة عالية وليس رد سجون مثله. 
تجمدت عينين فتحي أمام إحدى الشاشات الخاصة بكاميرات المراقبة وهو يري شقيقته تتحرك نحو إحدى السيارات في جراح الفندق فصاح وهو يشير نحوها 
ايوة هي ديه...
ارتكزت عينين الموظف الذي ساعدهم في الدلوف لتلك الغرفة ليكمل تتبع الفتاة.. فاتسعت عينين فتحي ثانية
ده نفس الراجل اللي كان بيجي الحارة..ايوة انا فاكره
طالعه وجدي حانقا
اختك المحروسة هربانة في عربية راجل لا وقايلي بنت بنوت وواخد مني خمس الاف جنية.. فلوسي يا فتحي الكلب
بدء العراك بين الرجلين ليتوقف العراك بعدما اندفع الموظف نحوهم يدفعهم نحو الخارج
انتوا عايزين تقطعوا عيشي روح دور على اختك مدام عرفت الراجل اللي ركبت عربيته
توقفوا خارج الفندق.. لينظر فتحي نحو وجدي الذي أخذ يطالعه بشړ
أسبوع واحد بس وهجيبها ليك يا معلم
فقطب وجدي حاجبيه يرمقه ماقتا يشك بحديثه 
لو مجبتهاش صاغ سليم ده أنا واعد صاحب الكباريه تكون بنت بنوت الزبون عايزاها كده
التمعت عينين فتحي بوعيد يخبره بما سيفعله بها إذا أضاعت شرفها 
ھڨتلها وهشرب من ډمها 
ودعت المكان الذي كانت تحبه يوما لتتعلق عيناها به وهو يصافح الحارس ويعطيه مفتاح المزرعة المكلف بشئونها. شقت السيارة طريقها لتنظر له وسؤال واحد كان يدور بعقلها
هنعمل إيه مع الخدامة اللي ممكن تنقل كل حاجة لكاميليا هانم
وصمتت قليلا تجلي حنجرتها من شدة توترها ثم أردفت
وخصوصا وإحنا نعتبر في حكم المنفصلين
ابتسامة ساخرة شقة طريقها نحو شفتيه لم يعقب على حديثها ولم يعطي لها إجابه.. ولكن مع ضجرها من صمته وتجاهله استطردت 
مش عايزين الولاد يتأثروا بحياتنا
تنهد في صمت
ملك أنا أغلب يومي في المستشفى أو العيادة لو كنت الأيام اللي فاتت موجود كتير حواليكي
وأبتلع مرارته يعطيها الإجابة صريحة 
كان عشانك كنت عايز أعوضك لكن ملك الجديدة مش قادرة تسامح
أتخذت دور العتاب ولكن قبل أن تردف بشئ 
ملك أنا وعدتك هطلقك بعد ست شهور وهسيبلك الولاد تربيهم حريتك مني مش بعيدة يا ملك
حاولت أن تستشعر السعادة وهي تراه يهتف حديثه بمرارة ولكن السعادة أصبحت بعيدة عنها منذ أن باتت ندوب الماضي عالقة بفؤادها. 
توقفت أخيرا السيارة أمام البناية طالعها ثم ترجل من سيارته حتى يخرج حقائبهم التي كانت معدة نحو رحلة أكبر 
اتبعته وقبل أن تنتبه نحو شئ كان فتحي يهتف اسمها بعلو صوته
فين أختي طليقك اخدها فين 
أنت بتقول إيه شكل حبسك كام يوم مأثرش فيك
حاول فتحي إزاحة يديه عنه وعيناه عالقة بملك التي أتخذت رسلان درع حامي لها 
اسأل مراتك يا باشا مراتك هربت أختي مع طليقها يوم فرحكم
صاح بها فتحي مما جعل سائق كاميليا وحارسها الشخصي ينتبهوا على الأمر ويندفعون خارج السيارة المصطفة بانتظار سيدتهم .. تفاجأ رسلان باحاطتهم له وقطب ما بين حاجبيه ولكن سرعان ما تلاشت تقطيبته ينتبه على صوت صړاخ فتحي وقد بدء البعض ينجذب لحديثه
ولا أحنا عشان ناس على قد حالنا يا باشا تعملوا فينا كده أنا عايز اختي يا باشا 
قولتلك أختك منعرفش عنها حاجة
بهتت ملامح ملك خوفا على بسمة واندفعت للأمام بعدما أخذ الحديث يتحول للشجار 
فين بسمة.. عملت فيها إيه.. انت يوم الفرح كنت ضربها علقة مۏت
وعادت عيناها نحو رسلان تنظر إليه برجاء 
خليهم يقبضوا عليه يا رسلان اكيد هو السبب في هروبها 
علقت عينين فتحي بهم فبعد أن كان هو صاحب الحق.. أصبح متهما يحيطه رجلان ضخام الچثة هاتف حاله بحنق
جاي تتعارك مع ابن الوزير هتروح اللومان ومحدش هيعرف عنك حاجة يافتحي
وفي لحظة خاطفة كان فتحي يهرول مغادرا المكان
ده هرب يا باشا 
توقفت ملك عن البحث في حقيبتها حتى تجلب هاتفها وتحادث جسار
أنا لازم اكلم جسار فتحي ده شړاني ممكن يأذي 
القت عبارتها وتقدمت أمامه غير عابئة بحديثها الذي أشعل الغيرة داخله قبض فوق