روايه الود الفصل الاول بقلم رويدا عرفه

بسم اللّه الرحمن الرحيم

الود

بقلم رويدا عرفه
الفصل الاول

انا يوسف كنت كل يوم بحلم بامى بتقول ليا اختك جعانه وانا كنت بكبر دماغى
ولما الحلم ابتدأ يتكرر قررت انى اروح لشيخ
والشيخ قالى لازم تروح لاختك وتودها

تعالو معايا نعرف حكايتى

يوسف____ بيجى من الشغل

هدى___ مراته
هدى___ حمد لله على سلامتك يا حبيبي

يوسف___ الله يسلمك يا حبيبتي

هدى___ لحظه واحده والاكل يكون جاهز

يوسف___ لا لا انا مليش نفس

هدى___ ليه كده يا حبيبي

يوسف___ الصفقه اللى كنت عامل حسابى عليها اتلغت لبكره  

هدى،__' معلش يا حبيبي كل تاخير وفيه خير

يوسف___ أصل انتى مش عارفه الصفقه دى كانت بكام ولا الفلوس اللي كانت هتيجى من وراها

هدى___ سيبها على الله يا حبيبي وربك هيدبرها

يوسف___ ونعم بالله هو فين زين

هدى___ جه من المدرسة ودخل ينام

الباب يخبط

هدى__" تفتح الباب تلاقى

ملك___ جارتهم
ملك___ هو انا يا طنط ممكن استلف منك فلوس لحد ما ماما تيجى
بقلم رويدا عرفه

هدى___ طبعاً يا حبيبتي
وجابت ليها الفلوس

ملك__ شكرا يا طنط اوعدك اول لما ماما تيجى هجيبهم ليكى على طول

هدى___ حبيبتي براحتك واللى انتى عايزاها تعالى خوديه

ملك__ شكرا لزوقك وبتستاذن وتمشى

يوسف___ مين اللي كان على الباب

هدى__ بتقول ليه على اللى حصل د

يوسف___ اول واخر مره تعملى الحركه دى تانى

هدى___ ليه كده يا يوسف اللى يفك كرب مسلم ربنا يفك كربه

يوسف___ انتى سامعه انا قولت ايه

هدى___  حاضر
هو انا ممكن أسألك سؤال

يوسف___ طبعا اتفضلى

هدى___ ما تيجى نروح نترحم على مامتك ونسأل على اختك