اسكريبت تسبيح حكايات أية غنيم

اسكريبت تسبيح حكايات أية غنيم 
اسكريبت تسبيح كامه  حكايات أية غنيم 
يا دكتور البنت جت تاني ادخلها ولا لا..؟ 
معاها حد ولا لوحدها زي كل مرة..؟
لوحدها.
دخليها طيب.
دخلت الممرضة ومعها البنت فسألت الدكتور: 
ها موافق.؟!
هعملك العميلة بس بشرط واحد بس يا تسبيح. 
أي هو..؟؟

يكون حد من أهلك هنا علشان ممكن تمو..تي وأنا مش قد أهلك لو حد عرف أن أنا اللي عملت العملية. 
ما هو محدش يعرف.
تسبيح لازم حد من أهلك يعرف أنك عايزة تعملِ عملية إجها..ض وأنت بنسبة ليهم بنت.
همو..ت والله ولو محدش قتل..ني مش هخرج من بيتنا تاني.
أنا آسف يا تسبيح بس على الاقل أخوك يعرف أو أمك لازم حد يمضي على الورق تبع العميلة.
أنا همضي عليه أنا عندى 18 سنه.

ولو عندك 20 مش هينفع. 
طب أعمل أي انا في الشهر التالت.
هاتي حد من أهلك انا اقوله ويمكن اقدر احميكِ منهم يا تسبيح ها قولتلي أي.
معاك تلفون..؟ 
آه، بس ليه.؟؟
هكلم كارم.
مين كارم يا تسبيح يا بنتي انتى صغيرة عملتي كدة في نفسك ليه..؟؟ 
كارم اخويا بس عايش برا مصر، مش عارفة.
طب خدي التلفون كلمى كارم.
متعرفيش تسبيح فين يا هَنادى 
لا، بس شوفتها خارجة من شوية ولما سالتها قالت رايحه تشتري حاجات تبع المرسم بتاعها هتلاقيه جاية دلوقتى يا ماما. 
لما تجي خليها تدخل على جوا. 
حاضر.
فات نص ساعة وهنادي قاعدة في مزرعة بيتهم، وتسبيح دخلت حتى سالتها:
ماما سالت عليا..؟