نقابي ليس عائق

رواية نقابي ليس عائق الفصل السادس

الثلاثاء 16/يناير/2024 - 02:41 م

رواية نقابي ليس عائق الفصل السادس 6
يزن كان بيعتبر زين ابنه مش مجرد أخ وزين كان يزن بالنسباله الأخ والاب التاني رغم أنه الفرق بينهم مش كتير
يزن مش ملتزم اه يعني زي ناس كتير ميعرفش في دينه غير الصلاة والصوم بس أبوهم زرع فيهم قيم من وهما صغار بالرغم أنهم أغنياء بس عارفين دينهم باباهم وماماتهم كانوا ملتزمين بس مقدروش يخلوهم زيهم فكان زين ويزن علاقتهم بدينهم سطحيه زي معظم شباب جيلنا بس يزن كان دايما ماشي بمبدأ كم تدين تدان فكان بيعلم أخوه دايما الصح والغلط
وفي مره زين أتخانق مع بنت في المدرسه وهو الكان غلطان عشان البنت مردتش تكلمه فقال كلام كڈب المديريه عنها ولما يزن سأله عن حقيقة الموضوع قاله كل حاجه لأنه مش متعود يخبي عنه فيزن زعقله ساعاتها وقاله لو الكلام دا تتكرر تاني هيبقي أخر كلام بينا وكان بيقوله دايما
يزنافتكر يا زين أنه عندك أخت واللي ما تردهوش لأختك ماتردهوش لحد
يزن غمض عينه ورجع افتكر تاني اليوم الشافها فيه
يزن كان في آخر سنه طب جراحه عامه وكان من الطلاب المتفوقين في جامعته مكانش ليه علاقة ببنات كان كل تركيزه دراسته وتفوقه وفي يوم بعد ما خلص المحاضره كان خارج من الجامعه لاقي بنت منتقبه بتوقفه
إسراءلو سمحت هي دي كلية طب جراح
يزنايوه هي
إسراء بخجلطب معلش متعرفش حد من المرحله الاخيره
يزنانا في حاجه
إسراءمعلش مش عاوزه أتعبك بس أختي عملت حاډثه ومعنديهاش أصحاب هنا والمحاضرات هتفوتها والسنه دي مهمه اوي بالنسابلها فلو تعرف بنت او حد ممكن يساعدني إني اخد المحاضرات
يزن في نفسه شكلها بنت محترمه مرفعتش عينها فيا وهي بتتكلم أنا هحاول أساعدها ممكن لو راحت لحد تاني يضايقها
بعدين رفع صوته وقاللو معندكيش مانع تقدري تاخدي جدول المحاضرات وتيجي كل يوم بعد ما المحاضره تخلص وأنا هسجلك المحاضره وأدهالك
إسراء شكرا بس انا مش عاوزه أتعبك
يزن بإبتسامة مجاملهولا تعب ولا حاجه خدي دا جدول المحاضرات انتي بس هتستني هنا كل يوم وانا هخلص المحاضره وأجبلك الجدول تمام
إسراءتمام
وبعدين مشي وفعلا زي ما اتفقوا كل يوم كانت تاخد منه المحاضرات وفي آخر يوم امتحان كان خارج من الجامعه وشاف إسراء فأستغرب المفروض أنه أختها في الامتحان هي جايه ليه مقدرش يمنع فضوله وراحلها وقبل ما يوصل عندها شافها بتعدي الطريق ومش منتبهه فراح بتلقائية جري وشدها من دراعها
يزن بزعيقمش تاخدي بالك كنتي ھتموتي نفسك بعدين لاحظ أنه عنيها ماليانه دموع من ورا النقاب
فسألها بقلق حقيقيمالك في اي
إسراءأختي بعد ما ساعدتها دلوقتي صاحبها اول ما شافوني فضلوا يتريقوا علي نقابي وهي معاهم استنيتها تدافع عني بس اول ما بعدنا قالتلي اي الجابك هنا بلبسك دا انتي